iPad高清版App Store下載

 
 
 
目錄 < 返回首頁
攻讀農務系?
梁鳳儀.黃昏進行曲
無聲之戰.鄧慧蘭
出「棋」制勝 創商機
聯招下周五放榜 條條大路通羅馬
魚菜相濡以沬 農業新趨勢
9次人工受孕之痛.江碧蕙
個性全面睇 - 放榜了
靈巧技能 - 職場和諧 應對技巧
職場Q&A - 台大獸醫系認受性高
智富增值 - 人民幣的長遠價值
職場升呢 - 「寸土必爭」的智能產品時代
推介課程總覽



學士 More
Postgraduate Degree Programmes
The Hong Kong Management Association

海外大學課程
城駿教育中心

高級文憑/學士程度課程
香港傳藝中心

高級文憑
婚禮宴會統籌及新娘化妝高級文憑課程
Bridal Academy

專科文憑/高級文憑
香港專業進修學校

文憑 More
Accounting Diploma
ABRS Higher Education & University of Greenwich UK

國際酒店管理文憑
香港酒店管理學院

智能手機維修工程師文憑/iOS & Android開發專業文憑
HPC IT Education Centre

證書
全日制專業會計/工商管理進階文憑/高級文憑/銜接學位課程
香港商業專科學校

其他
海外大學基礎課程
EF英孚教育

香港首位華籍女騎師江碧蕙,十六歲加入馬會、十七歲首次出賽、十九歲首贏頭馬、二十一歲嫁作人婦,二十二歲進行人工受孕,至第九次才成功,那種痛記憶猶新:「唔成功嘅時候就真係喊到嘔㗎,個人又會抑鬱呀、失落呀,到我真係諗住放棄嘅時候先有!」她,不論工作抑或婚姻,總是快人一步,像走在社會的尖端。這位表?如一的潮媽,有着與別不同的育兒之道:「媽咪就應該做番媽咪,唔使刻意遷就啲小朋友,佢哋都要就吓我。」對比現今父母面對子女拍拖既驚恐又擔心, 江碧蕙則坦言十二歲的長子Samuel已有小女友,「兩個仔乜都會同我傾,我哋一家人到?家都鍾意一齊沖涼傾吓偈,性知識?由細教到大啦!」

痛苦時期
自小含着金鎖匙出世的江碧蕙,因父親是馬會會員,令她也對騎馬產生濃厚興趣。可惜好景不常,其後經歷父親破產、父母離異,身為家中長女的她為養家,轉危為機將興趣轉化為事業,十七歲便以「首位華籍女騎師」身份出賽,在奔馳的馬匹上尋求快樂,也覓得良緣。

九七年八月,二十一歲的江碧蕙下嫁比她年長十年、同是騎師的法國人李格力,婚後卻發現夫婦兩人也很難生育,結果,江碧蕙用了三年時間,接受人工受孕至第九次,才成功懷孕,她憶述:「過程最難忘最痛苦嘅係,開頭做嘅時候期望好大,但期望愈大失望愈大囉,唔成功嘅時候就真係喊到嘔㗎,個人又會抑鬱呀、失落呀,到我真係諗住放棄嘅時候先有!」誕下長子Samuel後三年,江碧蕙在沒有靠任何醫學方法下,成功再度懷孕, ○ 四年誕下幼子Anthony,兩兄弟今年分別十二歲及九歲,就讀中一及小三,一家四口定居法國;而江碧蕙則平均一年返港六次,「之前我出咗本中文自傳,今年有計劃會出本英文嘅;另外仲有一啲新挑戰未能夠透露住。因為喺法國,我覺得自己冇咗存在價值,我而家好享受呢個時刻,想做番啲自己想做嘅嘢,小朋友都大啦嘛。」有「美少女騎師」之稱的江碧蕙,一直慶幸自己能把騎馬興趣轉為個人事業,卻不期望兩名兒子承繼父母的職業,她嚴肅的說:「我唔想佢哋做騎師,因為我咁難先可以有我自己嘅小朋友,我已經要擔心我先生,唔想再擔心佢哋,做騎師真係會送命㗎,意外嘅嘢好難防範。」

開放家庭
外表剛強硬朗的江碧蕙,管教兒子別具一格,既不像「怪獸家長」般寵溺子女,又不似「直升機父母」那麼管制約束,「我覺得管教仔女,『打』同埋『惡』係必需嘅,小朋友喺適當時候係要教㗎,我都會打兩個仔手板。同埋,我成日覺得小朋友視父母係偶像,家長其實唔使太刻意去遷就小朋友嘅,媽咪做嘅嘢就係順其自然,大家互相遷就嗰個時刻,就係父母同小朋友都享受嘅時候。」外表和思想一樣新潮的江碧蕙,直言一家人都「好開放」,至今仍會一起沐浴,在浴室內暢所欲言,「外國人唔覺得一家人同浴有咩問題,兩個仔亦唔會覺得父母除晒衫係啲咩嘢特別事,性教育更加係由細教到大!大仔而家有女朋友,佢哋有kiss又有拖手仔,咁唔代表係啲咩咁大不了嘅嘢囉,佢唔講畀我聽,反而我仲驚呀!」看得開,想得透,所以江碧蕙樂觀又開朗。話說回頭,十五年前的江碧蕙,突然患上醫學上沒有治療藥物的腎組織變異,食了十四年類固醇,骨質都疏鬆了,她仍處之泰然,輕鬆笑說:「而家停咗藥一年,唔諗咁多喇,最緊要開心啦!我成日都教兩個仔要珍惜現有嘅一切,當失去嘅時候亦唔好覺得可惜,做人要能屈能伸!」對江碧蕙來說,其實她最希望、最緊要的是,兩位兒子可以像她一樣「lucky」,找到自己的興趣,然後轉化為事業。



本文摘自東周刊7月13日