iPad高清版App Store下載

 
 
 
目錄 < 返回首頁
我們的90後
從廚房闖出名堂 麥潔兒
志趣相投開樓上 貓精品店
用有限資源 提高生活效率
自製特色本子 注入活生生故事
個性全面睇 第四型:藝術自我者
副學位 多元升讀大學之道
海外學位 百花齊放彈性選擇
專業進修 專業地位立足變化世代
海外升學 國際視野擁抱全球
課程推介
推介課程總覽



  More
Advanced Diploma in Accounting Studies
HKSC

AD課程
香港大學附屬學院

BA (Hons) Accounting & Finance
ABRS

「美女廚房,食咗先講!」望住一班雞手鴨腳的美女們,走入廚房對活生生嘅食材大屠殺,的確讓人既驚且喜。不過,在靚女走入廚房時,席上的食評家也令人耳目一新,萬綠叢中一點紅,男士們漸漸將目光和注意力投放到新一代潮流女廚師麥潔兒(Kit)身上!

默默耕耘 出人頭地
「我由細到大都好為食,阿媽話我未滿月,飲奶都唔夠,仲要餵埋我食粥水!媽咪本身又鍾意煮野食,過時過節屋企就會整月餅、包餃子四圍派街坊。我都會幫手磅麵粉、搓麵團、餃子皮。當然,陪着我大嘅電視烹飪節目,李太、方太、李錦聯都會追睇!」興趣決定事業,Kit一出世就似乎同食物結下不解之緣,長大之後也順理成章,選擇修讀與飲飲食食相關的科目。

香港沒有專門的廚藝烹飪課程修讀,於是Kit選擇比較近似的酒店及餐飲管理學。Kit在課程的Final Year有幸獲得香港理工大學和意大利總商會的安排,到香港幾間酒店如君悅酒店的意大利餐廳(Grissini)廚房實習,「當時,算係第一次真真正正接觸正規烹飪課程,學點整海鮮,學咗好多野,非常Enjoy!」在Enjoy過後,Kit亦開始冷靜下來思量條路點行:「做一個廚師唔係外界睇煮吓嘢食咁簡單,仲要識得點去Run間餐廳,要有好高嘅管理能力同魄力。而一般中廚要高溫下工作,自問冇咁嘅體能。」大學畢業後, Kit一心想搵宴會統籌的工作,性質既與修讀學科相近,又能讓她繼續接觸廚房,不過世事豈能盡如人意,最終只能投身美容零售管理。「其實當時都好迷茫,唔知道條路點行,但都明白做飲食業一定要由低捱起。」因此,熱愛煮食嘅Kit為了繼續圓廚師夢,她另闢一途就是立志要成為食譜作者!

所謂萬事起頭難,Kit初畢業身上沒有資金,於是只能夠限米煮限飯,利用公餘時間閉門寫食譜,向雜誌毛遂自薦,並把食譜寄到各大飲食專欄。結果不負所望,有本頗為權威的本地飲食雜誌邀請她撰稿。「這時開始,我堅信自己選擇嘅路係冇錯,付出多少就有幾多回報!」她亦不忘感謝第一位肯冒險替她出版食譜的雜誌編輯。

先要溝通 後易入屋
對於食譜設計的工作,Kit打了個比喻:「律師都分好多個範疇,有打離婚、工傷、刑事等等。做廚師都一樣,可以做餐廳廚師、可以做食譜創作,彼此都有好大嘅工作空間。我要煮到食物好靚,等攝影師可以影到靚相。食譜作者要透過食物相片,將色香味表達俾讀者,令佢哋睇到食譜之後好想去品嚐同埋學煮。」

Kit現在經常會與不同的飲食集團合作,應他們要求設計不同的食譜。「一般客人要求嘅食譜,都想易入屋易上手,唔好搞一個分子美食出來。在接飲食機構嘅Job時,食譜設計師要好清楚食材特點,然後為客人度身訂造食譜。最重要就係簡簡單單之餘有點變化,唔好又炆又炸又要蒸,過程太複雜,反而難入屋。」

做任何生意都一樣,客人各式各樣,Kit坦言也會遇上比較難應付的客人。看過Kit做食評的,都知道她是個講話率直、有嗰句講嗰句的人,「我接Order之前,一定會同客人講明食材嘅烹調標準,講明點樣處理食材,用咩嘢技巧烹煮較妥當,解釋點樣才可以達到客人想要嘅效果。最唔願意埋位影食物相時,大家鬧分歧,寧願事前雙方交代清楚一切先落手烹調。」

情感食譜 突圍創新
在撰寫食譜方面,她會加入個人情感作為食譜題材,透過菜式帶出不同的Message給讀者。例如她以「黑白」兩色為題材,然後在食材中Mix and Match,煮出「黑Vs白」的菜式來,以表達自己是個黑白分明的人,又如她的另一本食譜用「初戀滋味」為題材,用菜式表達初戀的感覺。「我好想鼓勵大家多做呢類創作,透過菜式來表達自己心情,就好似愛情小說一樣,只係以食物代替咗文字。」

若問及Kit煮甚麼國家的菜式居多,她不會答意大利菜、日本菜,又或法國菜,而是答:Fusion菜。「其實,依家好多菜式好難做到百分百正統,例如四川麻辣如果唔用川椒,味道已經大不同,就算做到正宗麻辣,花費都唔少,未必啱一般家庭採用。」她認為,烹調其實無分國度或規則,最重要係發揮創意,用心和愛去創造味道。在靈感與創意上,Kit平日會睇好多烹調書及電視節目,就算行街市見到食材,又或者用膳的時候,她自言腦袋都在諗東諗西,只要靈感一到便會從袋中抽出筆記本寫下要點。

開班授徒 繼續深造
當被邀請作客席廚師教授烹飪時,Kit同樣十分用心去準備。「在開班之前,我經常喺超市做烹飪示範,即煮即整又要向在場觀眾講解,同做電視嘅Live Show冇分別。」Kit稱,當超市示範是鍛煉自己急才的機會,嘗試同觀眾交流,諗計仔引他們發笑,製造一個愉快輕鬆的學習氣氛。「到真正開班教人煮食時,先前的技巧都大派用場,一堂要教學生做三個食譜,大家全程有講有笑,流程順暢又教到學生,滿足感都好大!」

其後,有人找Kit作《美女廚房》嘉賓主持,她就膽粗粗答應。「其實,之前都幫過宗教團體主持烹飪節目,唔係第一次面對鏡頭,但當走入電視台,見廠內的攝影機、射燈,到打開門自己走出來講第一句對白時,突然覺得自己好似做咗方太咁!」Kit起初都擔心觀眾對她的說話評語不受落,但經過幾集後,見觀眾反應理想,她對自己亦有了信心,更籍此闖出了名堂!

如今前途一片光明,Kit計畫把手頭上的工作完成後,將會遠赴美國深造食物造型(Food Styling)。「食物造型係一門外國比較流行的學問,除本身的煮食經驗之外,還要學習一些技術知識,然後靈活變通運用。」